шекилли

мод. с. Фикрнинг гумон, тахмин ёки тусмол билан айтилганини билдиради; балки, эҳтимол, бўлса керак.

Мажлис бўлишини эшитмаган шекилли, у келмади.

Мастура эса менга бир қаради-ю, танимади шекилли, индамади. — А. Қаҳҳор, Минг бир жон

— Мен дадангизни оз-моз биламан, — деди Ойқиз, — Олтинсойга яқин-да келдинглар, шекилли? — Ш. Рашидов, Бўрондан кучли

Кинога олишяпти, шекилли. — С. Аҳмад, Лаъли Бадахшон