шахсият
shaxsiyatшахсият
от Ўзига хос хусусиятлари билан бошқалардан ажралиб турувчи муайян шахс; шахснинг ўзлигини белгиловчи томонлари, хусусиятлари мажмуи; ўзлик, ким эканлик.
Шахсияти номаълум одам,
Санъаткорнинг ички дунёси мураккаб ижодий шахсияти алоҳида сезгир, ҳаётни тушуниш билан ўткирлашгандир. — Газетадан
Бу тасвирлар орқали қисман авторнинг истеҳзоли, ақлли, ҳамма нарсага тўғри баҳо берувчи ва юморни сезувчи шахсияти ҳам гавдаланади. — ЎТА
Отахон шоирларимиз болалар қалби ва психологиясини, маънавиятини очиш орқали уларнинг бетакрор шахсиятини улуғладилар. — Фан ва турмуш
- Шахсиятига тегмоқ Муайян шахснинг қадри, иззат-нафси ва бошқалар жиҳатидан таҳқирловчи хатти-ҳаракат қилмоқ. Ўртоқ Қўчқоров, бир бегуноҳ колхозчининг шахсиятига тегдингиз. Бунинг учун жавоб берасиз. — С. Анорбоев, Оқсой