shaxs

ot 1. Jamiyatdagi alohida bir kishi, odam.

Notanish shaxs. Tarixiy shaxs Shaxsga sigʻinish.

Serxarajat toʻylarning palak yozishiga asosiy sabablardan biri, bizningcha, nopok yoʻl bilan pul topuvchi shaxslardir. — Saodat

2. ayn. Shaxsiyat.

Koʻp turli qobiliyatlarni oʻz shaxsida gʻoyat koʻrkam jam qilgan. — Oybek, Navoiy

— Har narsa deyishing mum-kin, ammo oʻzingdan katta odam shaxsini haqorat qilishga haqqing yoʻq! — dedi Umid, oʻsha ikki yonogʻi boʻrtib chiqqan odobsiz yigitga. — Mirmuhsin, Umid

3. tsh. Feʼl va ot turkumiga oid soʻzning uch shaxsdan birini koʻrsatuvchi shakli va shu shaklga xos maʼno. Masalan, oʻqidim, kitobim — 1-shaxs, oʻqiding, kitobing — 2-shaxs; shuningdek, olmoshning shaxsni bildiruvchi turi: men — birinchi shaxs, sen — ikkinchi shaxs.