шатак
shatakшатак
от 1. Узи юролмайдиган улов, транспорт воситасини бошқа уловга, транспорт воситасига тиркаб олиб юриш усули; тиркаладиган ёки тирковга оладиган нарса.
Қумри қатъият билан машинага югурди-да, кузовга ташлаб қўйган, шатак тиркаш учун ишлатиладиган сим арқонни судраб келтирди. — С. Аҳмад, Ойдин кечалар
У иккинчи қаторни охирламаёқ, бункери оқ олтинга лиммо-лим тўлганини кўриб, суюниб кетди. Дала четидаги шатаклар эса аллақачондан бери унга мунтазир эди. — Ш. Ғуломов, Ёрқин уфқлар
Директор устахонадан шатак билан аранг олиб чиқилаётган тракторни кўриб, азбаройи жаҳли чиққанидан, тилини тишлаб олаёзди. — Муштум
2. кўчма Қолоқ, ночор аҳволдан олиб чиқиш, судраш, юргизиш учун ёрдам берувчи шахс, нарса; ёрдам; кўмак.
Кечаги-на бошқаларнинг шатагига муҳтож бўлган бригада — бугун, қарабсизки, илғор. — Газетадан
Кучи кетиб, эплай олмаяпти, ёрдам қилиш керак, деб ёнингизга шатак берсак, асов отдек тепкилайсиз. — Қаҳрамоннома
- Шатак қилмоқ Шатакка олувчи қилиб қўшмоқ. зўрлиги билан донғи чиққан тўриқ отни аравага қўшиб, унинг ёнига бошқа бир отни шатак қилиб, зўрға судраб келдик. — С. Айний, Қуллар
- Шатакка олмоқ 1. Ўзи юролмайдиган улов ёки бирор транспорт воситасини бошқасига тиркамоқ, бошқасига тиркаб юргизмоқ, судрамоқ. Юки оғир от., олға интилмаса, ё шатакка олинади, ёки аравадан чиқариб, бошқа от қўшилади. — Шарқ юлдузиКўздан йироқлашган трактор кўп ўтмай машинани шатакка олиб қайтди. — Ўзбекистон қўриқлари;Кўпчилик йигитлар сакраб ерга тушиб, арқонни боғлаб, машинани шатакка олдилар. — Ш. Ғуломов, Бўз ер уйғондиЎцам-ўтмасам, хавотир эмасман. Биласиз-ку, раис, шатакка олиб юрган йигитмиз. — ҚаҳрамонномаБиз паст ҳосилли бригадалардан бирини шатакка олишга қарор бердик. — Газетадан