shart
шартshart I
ot 1. Biror ish yoki masala yuzasidan yozma yoki ogʻzaki oʻzaro kelishib olish, oʻzaro kelishuv.
Shuning uchun Yoʻlchining iltimosiga darrov koʻnib, shart boʻyicha, Shoqosimga ovqat, yotish uchun juvozxona oldidan bir hujra berdi. — Oybek, Tanlangan asarlar
Bir-birimizdan sir saqlamaymiz. Xoʻpmi? Shart shu. — M. Ismoiliy, Fargʻona tong otguncha.
2. Oʻzaro shartlashayotgan yoki biror munosabatda boʻlayotgan tomonlardan birining boshqa tomonga nisbatan qoʻygan talabi.
Lekin shart — bizga astoydil, ixlos bilan xizmat qilasiz — E. Raimov, Ajab qishloq
Pudrat usulining shartlariga muvofiq, bu mablagʻning ancha qismi pudrat asosida ishlayotganlarga taqsimlab beriladi. — Gazetadan
Qiz, “Poygada yutib chiqqan odamga tegaman, deb shart qoʻyibdi. Shukrullo, Javohirlar sandigʻi. ertaga shaharga tush, nima shar-ting boʻlsa, oʻsha yerda gapir. — Oybek, Tanlangan asarlar
3. Taqozo etuvchi narsa; talab.
— Madaniyatli boʻlishning eng birinchi sharti — soddalik, tabiiylik, — deb yubordim. — F. Musajonov, Mehmonda
Hozirjavoblik —
askiyaning asosiy shartidir. — OʻTA
Sanʼat turlarining uygʻunlashuvi uchun umumiy uslubiy xususiyatlarning mavjudligi zaruriy shart hisoblanadi. — Saodat
4. kesim vzf. Qatʼiy talab etuvchi; zarur.
Bugun kelishingiz shart.
Bu jang uzoqqa bormaydi. Lekin Xuroson qoʻshini shay boʻlib turmogʻi shart! — Mirmuhsin, Meʼmor
Bolaga oila ham, maktab ham baravar tarbiya berishi shart. — Gazetadan
- Shart mayli
- Shart ergash gap
- Ehtiyot(i) shart Har ehtimolga qarshi. Shuning uchun uchrashgandayam uyda, mana shunaqa pana-pastqam yerlarda uchrashsak, ehtiyot shart deydilar-ku, axir! — S. Karomatov, Hijron
shart III
ot Biror narsaning urilishi yoki uzilishidan hosil boʻladigan ovozni bildiradi.
Ikki-uch qamchidan soʻng tolga bogʻlangan tizgin shart etib uzilib ketdi — A. Qodiriy, Oʻtgan kunlar
Kampir yana gʻazabga keldi koʻylagining yoqasini shart yirtib yubordi. — S. Ahmad, Hukm
Kuygan odam shart uradi soniga — Hasanxon
Qizlardan uch-toʻrttasi Nozikni taʼqib etdi va shart-shurt bir-birining yalangʻoch etiga urishib, shartak olishdilar. — A. Qodiriy, Mehrobdan chayon
shart IV
ot Tez va keskin.
Otamurod shart orqasiga burildi-yu chayla tomonga chopib ketdi. — M. Mansurov, Yombi
Dildor shart oʻrnidan turdi-yu, eshikni qarsillatib yopib chiqib ketdi. — S. Ahmad, Ufq