shariat
шариатshariat
ot din. Islom huquq tizimida: musulmonlarning Qurʼon asosida ishlab chiqilgan diniy, jinoiy va fuqarolik qonun va qoidalari majmui.
Shariat qoidalari.
Yarashadigan boʻlsangiz, shariat yoʻl topib beradi. — A. Qahhor, Qoʻshchinor chiroqlari
Shariat hamma vaqt adolatni himoya qiladi. — K. Yashin, Hamza
U Buxoroda madrasada oʻqib yurganda, shariat va tariqat ilmini yaxshi oʻrgangan, Quronni yod bilar edi. — P. Qodirov, Yulduzli tunlar
- Shariat peshvolari Shariat qonun-qoidalarini mukammal biladigan, u haqida yoʻl-yoʻriq koʻrsatadigan kishilar (qozi, ulamo va boshqalar). Saroyda barcha — shariat peshvolaridan tortib to kichkina amaldorgacha shoirlik daʼvo qilardi. — S. Siyoyev, Yorugʻlik