шарбат

sharbat

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

шарбат

от 1. Пишиб етилган ҳўл мевалардаги қанд моддаси, ширинлик, шира.

Мевалар шира-ю шарбатга тўлмоқда. Хоразм қовунлари ширинлиги ва шарбати билан машҳурдир.

Қоровул пахта гулли косада анор шарбати келтирди. — С. Сиёев, Отлиқ аёл

бу ерларга сув чиқариб, ток кўкар-тирилса, ҳамма ёқни шарбатга тўлдириш мумкин. — Мирмуҳсин, Меъмор

2. Мевалардан тайёрланган ширин ичимлик.

Шу лаҳза Бадиа яна ўрнидан туриб, аравадаги хумчадан нимкоса шарбат олиб келди. — Мирмуҳсин, Меъмор

[Беҳлул] Елкасига ташлаган дастурхонни ёзиб, баркашни меҳмон олдига суриб қўйди, кейин икки косада шарбат келтирди. — М. Осим, Зулмат ичра нур

3. кўчма Гўнг ивитилган сув (ўғит сифатида фойдаланилади).