шалола

от 1. Сувнинг юқоридан тик пастликка шиддат билан қуйилиб тушадиган жойи; шундай отилиб тушаётган сув; шовва.

Юқоридан жарлик тубига отилувчи шалола шердай ўкиради. — Ҳ. Ғулом, Тошкентликлар

2. шв. Дарё, жилға сувларининг тошларга урилиб, шовуллаб оқадиган жойи.

Боғ, қўрғонлар орқада қолгач, Оқсой бўйига чиқилади. Қулоқни битирувчи шалола бошланади. — С. Анорбоев, Оқсой

3. тех. Бир дарё оқимида жойлашган ва сув сарфи бўйича ўзаро боғлиқ бир неча гидроелектростансиядан бири.

Бешинчи шалолани Абдусамат ака ўз колхозчилари билан қурмоқда. — Й. Шамшаров, Тошқин