shafqatsiz

sft. Shafqat bilmaydigan, rahm-shafqati yoʻq; birovga achinmaydigan, rahm qilmaydigan, ayamaydigan, rahmsiz.

H. Olimjon shafqatsiz dushmanni ayovsiz kurash bilan yengishga chaqirdi. — N. Safarov, Olovli izlar

Boyoqish yigit nima qilsin, shafqat-siz, beomon taqdir yoshligidan qiynoqqa soldi. — K. Yashin, Hamza

Kim u, nima u sevgi bilan masʼud, sevgi bilan xushnud dillarni shafqatsiz nimtalagan, qon tizgʻitib timdalagan? — M. Ismoiliy, Fargʻona tong otguncha