СЕЙСМОСТРАТИГРАФИЯ

Сейсмостратиграфия — тоғ жинсларининг кетма-кет шаклланиши ва уларнинг бирламчи фазовий жойлашишини сейсморазведка ёрдамида ўрганиш. Сейсмик материалларни таҳлили асосида нефт ва газ уюмининг шаклланиши, чўкиндиларнинг флюидга тўйиниши, жинсларнинг геологик ёши, таркиби ва кейинги ўзгаришларини аниқлайди. Нефт ва газга истиқболли ноантиклинал структураларни, сейсмик горизонтларни майдон бўйлаб жойлашишини ва тўлқин динамикасини ўрганишда фойдаланилади.