Sekin kengayish

L.Eged (1956) paleogeografik xaritalarni oʻrganib, oxirgi 500 mln. yil davomida Yer radiusi yiliga 0,5 mm tezlikda kattalashgan degan xulosaga keldi. Keyinchalik Dirnli (1965) va Xallamlar (1977) Eged mezonini va yuz yilda sutkaning 0,01 s ga oshishini hisobga olib, Yer radiusining oʻzgarish tezligi 0,24—0,6 mm/yil deb aniqladilar. Yerning kengayishi toʻgʻrisidagi farazlarni aniqlash maqsadida paleomagnit maʼlumotlaridan ham foydalanildi. Lekin, shunga qaramay hozirgi vaqtgacha kengayish qayerda sodir boʻlayotganligi, okean havzalaridami yoki kontinental bloklar chegaralaridami, aniqlanganicha yoʻq. Bu masala muammoligicha qolib kelmoqda.