СБОРКА БУРОВЫХ ВЫШЕК

уларнинг турига қараб турли усулларда амалга оширилади. Башня туридаги бурғилаш миноралари уч усулда йиғилади: кран стреласи (краннинг юк кўтарадиган хартумсимон қисми) ёки иккита одимлайдиган (ўз механизмлари воситасида силжийдиган) стрела ёрдамида минорани вертикал ҳолатда пастдан юқорига қараб ўстириш; минора юккўтаргичи (юк кўтарадиган машина)дан фойдаланиб, вертикал ҳолатдаги минорани юқоридан пастга қараб ўстириш (бу усуллар Кершинбаум усули дейилади ва асосан, башнясимон минораларни монтаж қилишда ишлатилади); минорани горизонтал ҳолатда йиғиб, А.П.Духнин ёки Г.Н.Бержес усулида кўтариб, вертикал ҳолатга келтириш. Мачта туридаги бурғилаш миноралари фақат горизонтал ҳолатда йиғилади ва махсус механизмлар ёрдамида вертикал ҳолатга келтирилади. Башня туридаги Б.м.й. пастдан юқорига усулида бажарилади. Бунинг учун илгакли стреладан ёки иккита одимловчи стреладан фойдаланилади. Йиғиш минора ости асосда ёки бевосита пойдеворда амалга оширилади. Дастлаб стрела минора марказида вертикал ҳолатда ўрнатилади. Сўнгра горизонтал ҳолатда миноранинг олд ва орқа томонлари уч қисми йиғилади, кейин уларни навбати билан кўтариб, ён томонлари белбоғлар билан бириктирилади. Сўнгра стрелани асосдан бўшатиб илгак ёрдамида юқори кўтарилади, унинг қийшиқлиги ён томонга тортувчи канатлар ёрдамида учинчи пояснинг юқори узелига навбатма-навбат тортиб тўғриланади. Кейин минора тўртинчи поясининг олд ва орқа қисмлари кўтарилади, ёнбош белбоғлар ва диагонал тортувчи симлар билан қотирилади. Минорани йиғиш билан бир вақтда ишчиларни кўтариб тушириш учун икки ёғга очиладиган нарвон монтаж қилинади. Иккита одимлайдиган стреладан фойдаланилганда кран ёрдамида миноранинг иккита қуйи қисми йиғилади. У одимлайдиган стрела оёқларидаги диагонал жойлашган сексияларга ҳалқасимон мустаҳкамловчи мослама билан қотирилади. Навбатдаги учинчи қисми эса пастда (минора ичида) йиғилиб, у ҳам навбати билан юқорига кўтарилади ва диагонал ёʻналишда қотирилади. Миноранинг охирги сексияси илгакли стрела ва одимлайдиган стрелалардан фойдаланиб, юқорига чорпоя қисми билан биргаликда кўтарилади ва қотирилади. B.m.y.ning бундай усули жуда мураккаб бўлиб, катта маблағ ва вақт талаб қилади, йиғилган сексияларни, Бурғилаш минорасини йиғиш