сайил

sayil

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

сайил

от 1. этн. Баҳорда ўтказиладиган катта халқ сайр-томошалари, сайр-томоша.

Айни баҳор кулган чоғ эди, Сайил жойи сўлим боғ эди. — Э. Воҳидов

2. Умуман, катта ва тантанали сайр-томошалар.

Халқ сайили. Наврўз сайили. Лола сайили.

Халқ шоирлари достонларни турли йиғинлар, тўй ва сайилларда ижро этганлар. — Газетадан

3. Сайр-томоша мақсадида айланиб (кезиб) юриш; саёҳат.

Сайил ҳам сайил, саргардон ҳам сайил. — Мақол

[Зиёдилла:] Сарсонгарчилиги борми, шу баҳона Тарлон икковимиз шаҳарни сайил қилиб келяпмиз. — Т. Мурод, От кишнаган оқшом

Сайил боғ Халқ сайиллари ўтказиладиган катта боғ, парк, сайилгоҳ.
Қовун сайли Қовунхўрлик ва сайр-томоша мақсадида кўпчилик бўлиб далага — қовун полизга чиқиш. Муҳиддинни бир таниши қовун сайлига олиб кетди. — С. Зуннунова, Ҳикоялар