savod

ot 1. Oʻqish-yozishdan xabardorlik; xat-savod.

Anvar taxtadan oʻqish boshladi, zehnining tiniqligidan boʻlsa kerak, oʻn bir yoshida savodi chiqayozdi. — A. Qodiriy, Mehrobdan chayon

Mana, 3-sinf savodimiz bor, oʻqish-yozishni bilamiz. — Yoshlik

2. Biror soha boʻyicha eng zaruriy bilim, maʼlumot.

Huquqiy savodning mukammalligi davr talabidir. — Gazetadan

3. Umuman, bilim, tushuncha, tajriba.

— Savodingizni ancha chiqarib qoʻyishibdimi? — Kim? — Bilmasam. Domlangiz. Domlalaringiz. — Mening domlam yoʻq, domlam — ikki koʻzim. — A. Qahhor, Qoʻshchinor chiroqlari