савоб

от 1. дин. Диний эътиқодга кўра, худонинг марҳаматига лойиқ иш ва шундай иш учун худонинг марҳамати.

[Ёрмат:] Нима иш қилдим? Гуноҳми, савобми? — Ойбек, Танланган асарлар

2. Ўзгаларга беминнат қилинган холис ёрдам; яхши, эзгу иш.

Дўстларим, қилманглар бағримни кабоб, Ғарибнинг кўнглини овламоқ — савоб. — Эргаш Жуманбулбул ўғли

[Давлатёр:] Бир есир-бева. Томини кураб берай, савоб бўлар — П. Турсун, Ўқитувчи