savagʻich

савағич

1 ta lugʻatda: Izohli yana 2 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

savagʻich I

ot Paxta, jun kabi narsalarni savash uchun ishlatiladigan bir juft uzun, ingichka tayoq yoki chiviqlar dastasi.

Savagʻich bilan paxta savamoq.

Osmon toʻla pagʻa-pagʻa bulutlar, xuddi savagʻichdan qochgan paxtadek titilib, koʻkni qoplab olishgan. — X. Toʻxtaboyev, Yillar va yoʻllar

savagʻich II

ot 1. Qamishsimon boʻgʻimli, ichi poʻkaksimon moddadan iborat suv oʻsimligi.

Nizomjon savagʻichning bunaqa oʻsishini bilmasdi. — S. Ahmad, Ufq

2. Savagʻich oʻsimligining poyasi.

Hujradan ikkita savagʻich topdim-da, rostakam katta varrak yasashga tushdim. — H. Nazir, Yonar daryo

3. sft. Savagʻichdan yasalgan, savagʻichdan tayyorlangan.

Bu ikkisi qogʻozga shodlangandek, gap-soʻzsiz, savagʻich qalamni qir-qir qogʻoz ustida yuritib turar edi. — A. Qodiriy, Mehrobdan chayon

Salimxon tokchadan dovot bilan savagʻich ruchkani olib, xontaxtaga qoʻydi. — H. Gʻulom, Mashʼal