sarpo

ot 1. etn. Maʼlum bir shaxsga yoki koʻpchilikka atab koʻpincha toʻy marosimlarida yoki turli tantanalarda sovgʻa uchun tayyorlanadigan yangi bosh-oyoq libos.

Martabali mehmonga sarpo kiydirmoq. Kelinga sarpo yubormoq. Beshik sarposi.

Qizning qoʻsha-qoʻsha kiyimlari boʻla turib, onasi Qizimga oʻn sidra bosh-oyoq sarpo qilasizlar, deb turib oldi. — Gazetadan

Nizomjon gapira olmay, dir-dir titrab turgan edi, xuddi shu payt kuyovlik sarpolarini kiyib olgan Aʼzamjon kirib keldi. — S. Ahmad, Ufq

2. Umuman, kiyim-bosh.

Sarpo tikmoq.