саржин

от 1. Уч газга (аршинга) тенг узунлик ўлчови (2,13 га тенг).

Икки саржин девор.

Йигитали бундоқ қараса, ҳозир кўприкнинг ўша ерида турган экан. Ўн-ўн беш саржинча пастда ҳайқириб сув оқмоқда. — Д. Нурий, Осмон устуни

2. Бўйи уч газ, баландлиги бир ярим газ қилиб маълум тартибда терилган палён ўтин; шу миқдордаги палён ўтин ўлчови.

Ўрмонжон Абдусамад қори билан тил бириктириб, икки юз йигирма беш саржин ўтин сотган ва пулини иккови бўлишиб олган. — А. Қаҳҳор, Қўшчинор чироқлари

3. с. т. Арралаб, ёриб тайёрланган ўтин.

Нурилло бир қучоқ саржинни ўчоқ олдига тарақлатиб ташлади. — С. Юнусов, Кутилмаган хазина

Темир печкада тол саржини чирсиллаб ёнар эди. — Ҳ. Ғулом, Сенга интиламан