sarf

ot 1. Biror maqsad uchun xarj boʻlgan pul, mablagʻ; chiqim, xarajat.

Paxtadan olingan qoʻshimcha hosil barcha qilgan sarflarimizdan ancha ortiq boʻldi. — Gazetadan

— Qarang, birovlarning bolalarini pul sarf qilib, vaqt sarf qilib, tekinga oʻqitsa-ya! — dedi Matqovul. — M. Ismoiliy, Fargʻona tong otguncha

2. Umuman, biror maqsad uchun ishlatilgan, ketgan yoki ketadigan narsa miqdori.

Material sarfini tejab-tergab turmoq.

Elektr energiyasi sarfini har kuni nazorat qilish odatga aylanib qoladi. — Gazetadan

ot esk. ayn. Morfologiya.

Oʻzbek tili sarfi.