сандиқ
sandiqсандиқ
от Турли буюмларни, бисотларни солиб қўйишга мўлжалланган, очилиб-ёпиладиган қопқоқли, қулф-калитли, яшик шаклидаги уй-рўзғор буюми.
Сандиқ ичида подшоҳ инъом қилган олтиннинг бир қисми ҳамёни билан турган эди. — П. Қодиров, Юлдузли тунлар
Мен келтирган атласни Ёрим солмас сандиққа. — Қўшиқлар
Ёшликдан бошлаб келинойиларининг сандиқларини, қутиларини тинтиб ўрганган Нури калити бурнида унутилган бир қутини очди. — Ойбек, Танланган асарлар
- Пўлат сандиқ Ўт тушганда куймайдиган, ёнмайдиган металл сандиқ: сейф. Пўлат сандиқда турган векселларни ковлаштириб, сизникини топиб беришимни осон деб ўйлайсизми? — К. Яшин, Ҳамза