санам

от 1. Тошдан, ёғочдан ёки металлдан инсон қиёфасида (кўпинча гўзал аёл образида) ясалган ва зийнатланган бут.

Бу вақтда уларнинг ҳаммаси ҳайратдан қотиб қолган, уйнинг бурчагида турган санамга ўхшардилар. — Шарқ юлдузи

Тўрдаги деворда оқпошшонинг йирик портрети, унга уй эгаси санамга сажда қилгандай қарарди. — А. Ҳакимов, Илон изидан

Бу даврда будда динига оид турли осори атиқалар, санамлар топилди. — Газетадан

2. кўчма Гўзал, дилбар аёл, нозанин.

Сиздай қизлар бўлди бунда улфатим, Ечиб юбор, санам қизлар, қўлимни. — Муродхон