самовар

samovar

1 та луғатда: Изоҳли яна 3 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

самовар

от 1. Чой қайнатишга мўлжалланган, сувхонали ва ўтхонали рўзғор асбоби.

Рух самовар. Самовар қайнатмоқ.

Самоварда қайнаган чойинг қани, ёр-ёр. — Қўшиқлар

Жувон каттакон самовардан тунука чойнакка чой қуйиб келди. — А. Қаҳҳор, Қўшчи-нор чироқлари

Самовар жиғиллай бошлади, Аваз ўтхонага яна иккита саксовул палён ташлаб, ичкари кирди. — С. Сиёев, Ёруғлик

2. айн. Чойхона.

Мингбоши ўнг томондаги озодароқ самоварга чиқиб чилим буюрди. — Чўлпон, Кеча ва кундуз

Юсуфжон ака, бу ҳисоб эмас, ҳовлига борамиз, самоварда эмас, бугун бизникида ётиб қоласиз. — К. Яшин, Ҳамза

Самовар қўймоқ 1. Самоварга ўт солиб, чой қайнатмоқ. Гулнор ўрнидан қўзғалди, дармонсизликдан оёқлари титраб, пастга тушди-да, самовар қўя бошлади. — Ойбек, Танланган асарлар;Умурзоқ ота: — У ерда ошнам бор, Бани, гузарда самовар қўяди. — Ҳ. Ғулом, Машъал