садаф

от 1. Айрим моллюскалар чиғаноғидан олинадиган оқ, ялтироқ дур.

Садафсиз дур бўлмас, Тикансиз гул бўлмас. — Мақол

2. сфт. Садафдан ясалган, тайёрланган.

Зебихон Адолатга миср ипидан тикилган тўн билан олдига садаф тугмалар қадалган нимчани узатди. — С. Зуннунова, Ҳикоялар

3. сфт. кўчма Садафдек оппоқ, ялтироқ.

Гулсум ҳам бошини кўтарди ва садаф тишларини кўрсатиб, илжайиб қўйди — П. Турсун, Ўқитувчи

Юксакдан келасиз, эй тоғ сувлари, Садаф чўққиларнинг юзини ювиб. — Ғайратий