сабоқ

от 1. Дарс, машғулот, билим, фан.

Сабоқ бермоқ. Сабоқ олмоқ.

Уларнинг ҳар бири ҳар хил синф ўқувчиси бўлгани ҳолда, бир синфда ўтириб сабоқ олишлари бир-бирларига халақит бермайди. — Ш. Холмирзаев, Оғир тош кўчса

Бундан ташқари, болалар ҳисоб (тўрт амал) ўрганар, машшоқлик, қўшиқ айтиш бўйича ҳам сабоқ олар эдилар. — К. Яшин, Ҳамза

2. эск. Дарсда (ўқувчиларга) бериладиган вазифа, топшириқ.

Алишер қўл қовуштириб келиб, устод олдида тиз чўкди ва сабоғини ўқий бошлади. — М. Осим, Аждодларимиз қиссаси

3. кўчма Ибрат, ўрнак, намуна бўладиган, ҳаёт тажрибасини оширадиган иш, ҳаракат, воқеа-ҳодиса.

[Фазлиддин:] Бегим шарм-у ҳаёдан сизу бизга сабоқ беришга қодирлар. — П. Қодиров, Юлдузли тунлар

Қора мавр ўғли — телба Отелло Буюк садоқатдан бермоқда сабоқ. — Х. Даврон

Бошга тушган мусибат бева учун сабоқ бўлди. — Газетадан

Тарих — доно муаллим ва ҳикматли сабоқ берувчидир, дейди мутафаккирлар. — Газетадан