Ruhiy yordam, ruhiy madad, ruhiy dalda

bevosita favqulodda vaziyatlar oʻchoqlarida ekstremal sharoitlarda ishlash vaqtida qoʻllaniladigan va mutaxassislarning ruhiy zoʻriqishini va ruhiy zarba beruvchi omillarning ularning ish qobiliyatiga salbiy taʼsirini kamaytirishga qaratilgan psixoprofilaktika va psixokorreksiya elementlari tadbirlari majmui. Qutqaruvchilarning yuqori safarbarlik holatini saqlashga, qisqa muddatli dam olishdan oqilona foydalanishga qaratilgan, qutqaruvchilarning ruhiy muvozanatini tezlik bilan toʻla tiklashga yordam berishi kerak. R.yo. oʻz vaqtida, zudlik bilan koʻrsatilishi zarur, chunki uning boʻlmasligi stressga nisbatan keskin reaksiyalarning shakllanishiga, va, keyinchalik ular asosida jarohatlanishdan keyingi stress kasalliklari rivojlanishiga olib kelishi mumkin. R.yo. ni oʻtkazishda psixofiziologik kasbiy tanlab olishda va vaqti-vaqti bilan oʻtkaziladigan psixofiziologik nazoratlarda baholanadigan shaxsning boshlangʻich xususiyatlarini va qutqaruvchilarning ruhiy holatini hisobga olish oʻta muhimdir.