Ruhiy tayyorgarlik

mutaxassislarning ruhiy va psixofiziologik sifatlarini optimallashga, ushbu sifatlarni favqulodda vaziyatlar oʻchoqlaridagi faoliyatga moslashtirishga, ularda avariya-qidiruv ishlari boshlanishidan avval stressni kamaytiradigan, mutaxassis sogʻligʻi va kasbiy ish qobiliyatining boshlangʻich holatini saqlab qolishga yordam beradigan adekvat, yaʼni aynan bir xil ruhiy holatni yaratishga yoʻnaltirilgan psixoprofilaktika va psixokorreksiya ishlari boʻyicha tadbirlar majmui. Qutqaruvchilarda favqulodda vaziyatlar sharoitida harakatlanishda ruhiy holatni boshqarish malakasini shakllantirishga, tez ichki safarbarlik qobiliyatini rivojlantirishga; guruh ichida oʻzaro hamkorlik malakasini ishlab chiqishga imkon beradi. Favqulodda vaziyatlar oʻchoqlarida ishlashga toʻgʻri kelmasligini koʻrsatuvchi jiddiy psixofiziologik belgilar namoyon qilmagan shaxslarga nisbatan oʻtkaziladi. R.t. ning quyidagi turlari ajratiladi: umumiy, maxsus va maqsadli. R.t. olib borishning shakllari: maʼruzalar va seminar mashgʻulotlari, qutqaruvchilar bilan yakka suhbatlar, ruhiy tavsiyalar, yakka va guruh-guruh boʻlib ruhiy treninglar oʻtkazish.