rohat

роҳат

1 ta lugʻatda: Izohli yana 5 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

rohat

ot 1. Estetik zavq yoki orom beradigan narsalardan olinadigan lazzat, huzur, gasht.

Sevgisin aytmaslik — qizlar odati, Noz-u karashmasi — yigit rohati. — M. Alaviya

Kunduzlari issiqdan behol boʻlgan odamlar kechadan rohat kutadilar. — M. Ismoiliy, Fargʻona tong otguncha.

2. Huzur-halovat, farogʻat, tinch va fa-rovon hayot.

Rohatda yashamoq. Mehnat, mehnatning tagi — rohat. — Maqol

Mehnatsiz rohat yoʻq. — Maqol

Endi senlar omon boʻlinglar. Dunyoning rohatini senlar koʻringlar. — Oydin, Oltin uzukka olmos koʻz

[Puldorlarning] Qornilari toʻq. Bola-chaqalari rohatda, uylarida qazi-qarta qaynaydi. — Oybek, Tanlangan asarlar

3. Rohat (xotin-qizlar ismi).

Rohat olmoq (yoki topmoq, qilmoq) Lazzatlanmoq, huzur qilmoq. Kuch, rohat olar edim, Ipak sochlaring silab. — GʻayratiyAvaz har vaqt Sobir akalar singari hunarmand mehnatkashlar gurungidan rohat topadi. — J. Sharipov, XorazmOʻtirganlar ajoyib ovoz bilan aytilgan lirik ashulani rohat qilib tinglaydilar. — T. Obidov, Yusufjon qiziq