ritm

ot 1. Hodisalar va jarayonlarga xos ayrim elementlarning muayyan izchillik, ketma-ketlik asosida takrorlanib, almashinib kelishi va shunday takroriylikning oʻzi.

Kishining ruhiy holati va ish qobiliyati muayyan ritmga boʻysunishini odamlar allaqachon payqashgan. — Gazetadan

Qayerdaki hayot mavjud ekan, oʻsha yerda hayotiy jarayonlarning muntazam ritmi, maromiyligi mavjud. — Gazetadan

2. Sheʼriyat, musiqa, raqs, tasviriy sanʼat, meʼmorlik va boshqalar sanʼat turlari shakllarining asosiy jarayoni, tartibi, qonun-qoidasi.

Muzikada tovush bilan ritm chambarchas bogʻlangan boʻladi. — I. Akbarov, Muzika savodi

Sahnada ikki ayol qoʻllarini ritmga moslab, hind raqsi uchun xarakterli boʻlgan maqomda oʻynamoqda. — Gazetadan

Usullar raqsning ritmlaridir. — T. Obidov, Yusufjon qiziq

Barmoq vaznida ritm misradagi boʻgʻinlarning soni, miqdoriga, guruhlanib takrorlanishiga bogʻliqdir. — Adabiyot nazariyasi

n mus. beat, cadence, rhythm

• musiqa ritmi musical rhythm