respublika
республикаrespublika
ot Oliy davlat hokimiyati maʼlum muddatga saylanadigan hokimiyat organi (prezident yoki parlament)ga tegishli boʻlgan boshqaruv shakli; shunday boshqaruv shakliga ega boʻlgan davlat.
Biz respublikamiz poytaxtining goʻzalligi bilan faxrlanamiz va uning shuhratiga shuhrat qoʻshishga hamisha intilamiz. — Gazetadan
Respublikamizning deyarli barcha hududlarida shaharlar qiyofasi oʻzgardi va obodonlashdi. — Gazetadan
- Parlamentar respublika Parlament toʻliq hokimiyatga ega boʻlib, hukumat uning oldida siyosiy javobgar hisoblanadigan, parlament tomonidan saylangan prezident esa faqat davlat boshligʻi, ijro etuvchi hokimiyat boshligʻi sanaladigan davlat boshqaruvi shakli.
- Prezidentlik respublikasi Prezident umumxalq saylovida saylanadigan va bir vaqtning oʻzida davlat va ijro etuvchi hokimiyat boshligʻi hisoblanadigan davlat boshqaruvi shakli (Oʻzbekistonda prezidentlik respublikasi boshqaruv shakli amal qiladi).