респиратор

от 1. сфт. тиб. Нафас олишга, нафас аъзоларига оид.

Респиратор касалликлар. яш

Оқтош санаторийсида респиратор ва астматик касалликларга чалинган кекса кишилар учун бино ва бошқа обектлар қурилиши бошланди. — Газетадан

Мамлакатимизда респиратор ва бошқа вирусли касалликлар бўйича эпидемиологик барқарорликни таъминлаш муҳим аҳамият касб этади. — Газетадан

2. Инсон нафас олиш аъзоларини заҳарли газ ва чангдан сақлайдиган индивидуал ҳимоя мосламаси.

Респиратор тақмоқ.

инсоннинг нафас олиш органларини чанг ва зарарли моддалардан шахсий муҳофаза воситаси; изоляцияловчи (шлангли ёки кислородли) Р. кислород миқдори етарлича (16% дан кам) бўлмаганда, шунингдек ҳавода зарарли аралашмаларнинг миқдори юқори бўлганда (мас., авария-қутқарув ишлари вақтида) ишлатилади. Филтрловчи (чангга қарши) Р. енгил, ихчам, бироқ ҳаво юқори даражада ифлосланган вақтда изоляцияловчи Р. га нисбатан ишончсиз. Радиоактив чангдан муҳофаза қилиш учун турли типдаги Р. қўлланилиши мумкин.