registr

ot Muayyan huquqiy ahamiyatga ega boʻlgan roʻyxat, hisobga olish hujjati; qaydnoma.

Registrga yozib qoʻymoq.

Tegishli texnik vositalar mavjud boʻlganda dastlabki hujjatlarni va registrlarni tuzishga ruxsat beriladi. — Gazetadan

ot 1. Klavishli musiqa asboblarida tovush kuchi va tembrini oʻzgartirishga imkon beradigan moslama.

2. Xonanda yoki cholgʻu asbobi diapazonining bir xil tembrga ega boʻlgan tovushlar guruhi.

ot 1. 1 Raqamli hisoblash mashinasining kodlarni xotirlashga moʻljallangan elementi.

2. Avtomat telefon va telegraf stansiyalari hamda aloqa uzellarida biron manzilga yuboriladigan abonent axborotlarini raqamlar shaklida qabul qiluvchi va yozib oluv-chi qurilma.

3. Kompyuter va yozuv mashinkasi klaviaturasining oʻng va chap tomonida joylashgan, katta va kichik harflar yozilish tartibini boshqaruvchi ikkita klavish.

Hodisalarni, obyektlarni, kodlarni roʻyxatga olish uchun moʻljallangan roʻyxat yoki xotira sohasi. Informatikada registr deganda, kompyuterning tarkibiy qismlari orasida joʻnatiladigan, cheklangan oʻlchamli kodlarni vaqtincha saqlashga moʻljallangan oddiy qurilma tushuniladi. Registrning muhim xossasi, uning maʼlumotlarni qabul qilish va berishda yuqori tezlikka ega boʻlishidir. Registr uyalardan iborat, ularga soʻz, buyruq, ikkilik sanoq tizimida berilgan son va boshqalarni yozish, eslash va oʻqib olish mumkin. Koʻpincha registr kompyuter ishlaydigan soʻz oʻlchami bilan bir oʻlchamga ega. Ixtiyoriy registrning ish tezligi, u saqlay oladigan bitlar soni bilan belgilanadi.inglizcharegisterruschaрегистр