регистр

от Муайян ҳуқуқий аҳамиятга эга бўлган рўйхат, ҳисобга олиш ҳужжати; қайднома.

Регистрга ёзиб қўймоқ.

Тегишли техник воситалар мавжуд бўлганда дастлабки ҳужжатларни ва регистрларни тузишга рухсат берилади. — Газетадан

от 1. Клавишли мусиқа асбобларида товуш кучи ва тембрини ўзгартиришга имкон берадиган мослама.

2. Хонанда ёки чолғу асбоби диапазонининг бир хил тембрга эга бўлган товушлар гуруҳи.

от 1. 1 Рақамли ҳисоблаш машинасининг кодларни хотирлашга мўлжалланган элементи.

2. Автомат телефон ва телеграф стансиялари ҳамда алоқа узелларида бирон манзилга юбориладиган абонент ахборотларини рақамлар шаклида қабул қилувчи ва ёзиб олув-чи қурилма.

3. Компютер ва ёзув машинкаси клавиатурасининг ўнг ва чап томонида жойлашган, катта ва кичик ҳарфлар ёзилиш тартибини бошқарувчи иккита клавиш.

Ҳодисаларни, обектларни, кодларни рўйхатга олиш учун мўлжалланган рўйхат ёки хотира соҳаси. Информатикада регистр деганда, компютернинг таркибий қисмлари орасида жўнатиладиган, чекланган ўлчамли кодларни вақтинча сақлашга мўлжалланган оддий қурилма тушунилади. Регистрнинг муҳим хоссаси, унинг маълумотларни қабул қилиш ва беришда юқори тезликка эга бўлишидир. Регистр уялардан иборат, уларга сўз, буйруқ, иккилик саноқ тизимида берилган сон ва бошқаларни ёзиш, эслаш ва ўқиб олиш мумкин. Кўпинча регистр компютер ишлайдиган сўз ўлчами билан бир ўлчамга эга. Ихтиёрий регистрнинг иш тезлиги, у сақлай оладиган битлар сони билан белгиланади.инглизчаregisterрусчарегистр