РАЗВЕДКА РАДИОМЕТРИЧЕСКАЯ

Радиометрик разведка — фойдали қазилма конларини излаш ва разведка қилишнинг дала, лаборатория ва каротаж усуллари мажмуаси. Р.р. геологик хариталаш, тоғ жинсларининг физик хусусиятларини ўрганиш, табиий радиоактив элементларнинг спектрал таркиби ва жадаллигини қайд қилишга асосланган. Дала ишларида, асосан, радиометрик (гамма) сёмка қўлланилади. Маршрут, профил ёки олдиндан белгиланган тўр (сетка) бўйича тоғ жинслари радиоактивлигининг нисбий ўзгариши ўрганилади ва умумий радиоактивлиги баҳоланади. Радиометрик сёмка пиёда, автомобил, самолёт ёки вертолётда бажарилади. СРП радиометри ва СП спектрометридан амалиётда фойдаланилади. Радиометрик ишларни бурғиланган қудуқларда (гамма каротаж), кон ва денгизда ўтказиш мумкин.