РАСТВОРЫ НА НЕФТЯНОЙ ОСНОВЕ

таркиби жуда мураккаб нефт асосида тайёрланган қимматбаҳо эритмалар. Уларнинг асосий компонентларига: нефтли муҳит, коллоид фаза кўринишидаги структура ҳосил қилувчилар, барқарорлаштирувчи ва зарур ҳолларда оғирлаштирувчи моддалар киради. Нефтли муҳит сифатида дизел ёқилғиси, структура ва қобиқ ҳосил қилувчи — юқори даражада оксидланган битумдан фойдаланилади. Эритма қовушқоқлиги уни дизел ёқилғиси билан эритиш, битум миқдорини камайтириш, эмулсия билан қопланган сувни чиқариб ташлаш орқали камайтирилади. Оддий битумли эритма таркибига: 70—85% дизел ёқилғиси, 15—20% кунсимон оксидланган битум, 1% оксидланган парафин ва 1% каустик киради. Н.а.э. сувли асосдаги эритмалардан фойдаланиб бўлмайдиган шароитларда ҳамда маҳсулдор қатламнинг табиий ўтказувчанлигини сақлаш мақсадида қўлланилади., Нефт асосидаги эритмалар