РАСТВОРЫ БУРОВЫЕ АЭРИРОВАННЫЕ

tarkibiga gaz komponentlari qoʻshilgan burgʻilash eritmalari. Eritmani gazlash mexanik yoʻl bilan — eritmani havoga toʻyintirish yoki kimyoviy yoʻl bilan — eritmaga mayda pufakchalar koʻrinishidagi havo qoʻshilgan SFM bilan ishlov berish amalga oshiriladi. Kimyoviy G.b.e. oddiy G.b.e.dan barqarorligi, yaxshi qobiq hosil qilish va gillash xususiyatlari bilan farqlanadi. Bunday eritmalarni tayyorlash uchun gil kukun, sirt-faol moddalar (0,1—0,2%), struktura hosil qiluvchi reagentlardan (kaustik soda-oʻyuvchi natriy 0,1—0,2% yoki kalsiylangan soda 0,5—2,5%) foydalaniladi. G.b.e. oddiy burgʻilash eritmalari bilan quduqni tozalash uchun ishlatiladigan gazsimon omillar oraligʻida turadi. Ulardan suyuqlik yutuvchi qatlamlarni burgʻilashda foydalaniladi. Quduq tubida gidrostatik bosimning kamayishi hisobiga burgʻilash tezligi va doloto chidamliligi oshadi, mahsuldor qatlamni oʻzlashtirish yaxshilanadi., Gazlashtirilgan burgʻilash eritmalari