РАСТВОР ВЫСОКОКАЛЬЦИЕВЫЙ БЕЗГЛИНИСТЫЙ ЭМУЛЬСИОННЫЙ

қалин туз ва ангидрит қатламларни бурғилашда ишлатиладиган эритма. Бурғилаш эритмаси сифатида юқори калцийли гилсиз эмулсиялардан фойдаланилади. Таркиби — гилсиз суюқлик бўлиб, унинг асосий хоссалари бурғилаш жараёнида майдаланган жинслар ва берилган параметрларни бошқариш ҳисобига ҳосил бўлади. Крахмалли нефт эмулсияси эритманинг асосий хомашёси бўлиб, таркиби (% да): сув — 30—35, нефт 15—20, крахмал 4—5, каустик сода — 0,5—0,6 (крахмал оғирлигида). Крахмал-нефт эмулсияси: зичлиги 1,0 г/см³, ковушқоқлиги 250—300 с, сув берувчанлиги 30 минутда 2—3 см³, СНТ — 0. Хемоген ётқизиқларни бурғилашда эритма таркиби туз ва майдаланган жинс зарралари билан бойийди, яъни: зичлиги — 1,2—1,264 г/см³, қовушқоқлиги 25-40 с, сув берувчанлиги 30 минутда 4-8 см³ га етади. Структура ҳосил қилувчи реагент сифатида суюқ шиша ва палигорскит (3-5%) қўшиш мумкин, ёки бўр ва асбест қўшиб оғирлаштирса бўлади. Ю.к.г.э.э. қудуқ тубини майдаланган жинслардан яхши тозалайди, емириш хусусияти паст бўлганлигидан бурғилаш насослари ва турбобурлар узоқ муддат таъмирлашсиз ишлайди., Юқори калцийли гилсиз эмулсион эритма