rashk

ot 1. Yaxshi koʻrgan kishisini birovdan qizgʻanish, kunchilik.

Sevgi bor yerda rashk bor. — Maqol

Koʻksim-da yana yurakni oʻrtovchi rashk alanga oldi. — P. Qodirov, Uch ildiz

Sen deysan, dilim pok, rashkdan yiroqman. Sen unding, men esa hanuz tuproqman. — A. Oripov, Yillar armoni

2. Koʻrolmaslik, gʻashlik, hasad.

[Kanizak:] Bilaman, musobaqadosh ikki kishidan birining yutugʻi ikkinchisining rashkini emas, havasini, gʻayratini keltirishi kerak. — A. Qahhor, Qoʻshchinor chiroqlari

Odamning ikki dushmani boʻlsa, bittasi — rashk, ikkinchisi esa oʻzini idora qila olmaslik. — S. Karomatov, Bir tomchi qon