raqamli videodisk

Maʼlumotlarni yozishga moʻljallangan katta hajmdagi raqamli disk. DVD bir shaklga keltirilgan standart boʻlib, matn, tasvir va tovush yozish hamda maishiy videotexnikada foydalanish uchun moʻljallangan. Maʼlumotlarni DVDra yozishda bir vaqtning oʻzida disklarning hajmini oshirish imkonini beradigan maʼlumotlarni zichlashtirish amalga oshiriladi. DVD disklar bir va ikki qatlamli boʻladi. Bir qatlamli DVD 4,7 Gb maʼlumotlarni saqlaydi, bu 135 daqiqa davom etadigan videofilmni yoki 9 soat eshitish mumkin boʻlgan tovushni yozishga yetadi. Ikki qatlamli texnologiya sigʻimni 8 Gbga yetkazadi. Ikki tomonlama DVD disk yoziladigan maʼlumotlar hajmini 17 Gbga yetkazadi. DVD 1380 Kbayt/ sekundgacha tezlik bilan maʼlumotlarni oʻqishni taʼminlaydigan, maʼlumotlarga oʻrtacha kirish vaqti 190 ms boʻlgan yuritma deb ataladigan qurilmaga oʻrnatiladi. Tasvirlar 500 qatorga yaqin formatda uzatiladi. Tovushga kelganda, u koʻpkanalli (6 kanalli) boʻlishi mumkin.inglizchadigital video disk (DVD)ruschaцифровой видеодиск