рақамли видеодиск

Маълумотларни ёзишга мўлжалланган катта ҳажмдаги рақамли диск. ДВД бир шаклга келтирилган стандарт бўлиб, матн, тасвир ва товуш ёзиш ҳамда маиший видеотехникада фойдаланиш учун мўлжалланган. Маълумотларни Двдра ёзишда бир вақтнинг ўзида дискларнинг ҳажмини ошириш имконини берадиган маълумотларни зичлаштириш амалга оширилади. ДВД дисклар бир ва икки қатламли бўлади. Бир қатламли ДВД 4,7 Гб маълумотларни сақлайди, бу 135 дақиқа давом этадиган видеофилмни ёки 9 соат эшитиш мумкин бўлган товушни ёзишга етади. Икки қатламли технология сиғимни 8 Гбга етказади. Икки томонлама ДВД диск ёзиладиган маълумотлар ҳажмини 17 Гбга етказади. ДВД 1380 Кбайт/ секундгача тезлик билан маълумотларни ўқишни таъминлайдиган, маълумотларга ўртача кириш вақти 190 мс бўлган юритма деб аталадиган қурилмага ўрнатилади. Тасвирлар 500 қаторга яқин форматда узатилади. Товушга келганда, у кўпканалли (6 каналли) бўлиши мумкин.инглизчаdigital video disk (DVD)русчацифровой видеодиск