раҳмат
rahmatраҳмат
от 1. Ташаккур ва миннатдорчиликни ифодаловчи сўз.
Катта раҳмат! Отангга раҳмат!
— Раҳмат!— Муқаддам унга меҳр билан тикилиб қолганини пайқаб, дарров кўзларини яширди. — Ў. Ҳошимов, Қалбингга қулоқ сол
2. Ташаккур, миннатдорчилик, шукроналик.
Ким яхшилик уруғини сепса, раҳмат ҳосилини олади. — Газетадан
[Ойимхон] Мадаминнинг хотинларининг ҳовлисини супуриб, сувини ташиб берган, аммо раҳмат ўрнига қарғиш ва жеркиш эшитган. — П. Турсун, Ўқитувчи
3. дин. Марҳамат, мурувват.
[Ҳидоят ўз-ўзига:] Худоё, раҳматингдан ўргилай, ошхўрга — ош, нонхўрга нон еткизурсан. — Ҳамза, Май-саранинг иши
- Раҳмат айтмоқ Миннатдорчилик билдирмоқ. Муборак Набижонга раҳмат айтиб хайрлашди-да, ёш боладай ликиллаб, чопқиллаб кетди. — С. Зуннунова, Кўк чироқларУ қайта-қайта раҳмат айтиб, мени машинага кузатиб қўйди. — С. Сиёев, Ёруғлик
- Худо раҳмат қилсин (ёки раҳматига олсин) Худо ўз марҳаматига сазовор қилсин (вафот этган киши ҳақида). Худо раҳмат қилсин. Ўзи ҳам хатини олиб, муҳрга қараб қолган экан-да бечора. Ҳай, начора, бандалик экан — деб қўйди. — К. Яшин, Ҳамза