қузғун

от 1. зоол. Қарғасимонлар оиласига мансуб, ҳар қандай нарсани ҳам еяверадиган, ўлимтикхўр ўтроқ қуш.

Боғда бургут, лочин, қарчиғай, қузғундан тортиб то тўтиқушгача томоша қилинди. — Н. Назаров, Замон

Сон-саноқсиз қузғунлар ва сиртлонлар ўликлар устида базм қурмоқда. — В. Муродов, Шерлар билан юзма-юз

2. кўчма (одатда, кўплик шаклида — қузғунлар) Шу қушга нисбат берилиб, ҳар қандай разиллик, ифлосликдан қайтмайдиган ярамас, жирканч шахсларга нисбатан қўлланади.

Мана энди қиз атрофида Олахўжанинг қузғунлари айланишиб қолибди — П. Турсун, Ўқитувчи