қуён

quyon

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

қуён

от 1. Товушқонлар оиласига мансуб, қулоқлари ва орқа оёқлари узун сутемизувчи ҳайвон.

Ёввойи қуён. Хонаки қуён. Қуён териси.

Тўнгак орқасидан қулоқлари диккайган қуён пайдо бўлди-да, коптокдек сакраб, буталар орасига яширинди. — Ойбек, Қуёш қораймас

Овчилар ҳар қайсиси бир нечадан қуён, ўрдак олиб бормоқда эди. — А. Қаҳҳор, Хотинлар

Ўзбекистон хўжаликларида қуён, асосан, гўшт ва мўйна учун боқилади. — Фан ва турмуш

2. кўчма Юраксиз, журъациз, қўрқоқ (одам ҳақида).

Майна Нарзи ота билан гурунглашишни истамасди. Бу қари қуён бирор ваҳимани жавраб, ғашимни келтиради, деб индамади. — Ш. Тошматов, Эрк қуши

3. Мучал йил ҳисобида тўртинчи йил номи.

Қуён бўлмоқ [Мунаввархон] Ишхонасига бир кўриниш беради-ю, қуён бўлади. — М. Иброҳимов, Ёʻлакдаги муҳаббат
Қуён йили Мучал йил ҳисобида тўртинчи йил ; харгўш йили.