qurolli
қуроллиqurolli
sft. 1. Urush, jang qurol-yarogʻlari bilan taʼminlangan; qurol tutgan, taqqan, koʻtargan; qurollangan.
Qurolli kishi. Qurolli otliqlar.
Oq oʻtovni qurolli soqchilar qoʻriqlab turardilar. — M. Osim, Karvon yoʻllarida
2. Qurol kuchi bilan amalga oshirilgan yoki oshiriladigan.
Qurolli qoʻzgʻolon. Qurolli toʻqnashuvlar.
- Qurolli kuchlar Harbiy harakatlar (hujum yoki mudofaa) olib borish hamda davlat xavfsizligini saqlash maqsadida davlat tomonidan taʼminlanuvchi qurollangan kishilarning uyushgan birlashmasi; harbiy qismlar, armiya.