қурилмаси

қудуқлар дебитини автоматик равишда ўлчаш, қудуқларнинг ишлашини назорат қилиш ҳамда фалокатли вазиятлар юзага келганда қудуқларни ва қурилмани тезлик билан беркитиш учун мўлжалланган. Нефт ва нефт-газ конларида Спутник А, Спутник Б ва Спутник В А.г.ў.q.lari кенг қўлланилмоқда. Спутник А А.г.ў.q.ning учта тури бор: Спутник А—16—14—400, Спутник АМ—25—10—1500 ва Спутник АМ—40—14—400. Бунда А — базавий конструксия, АМ — базавий конструксия модификацияси, биринчи сон — ишчи босими (атмосферада), иккинчи сон — қурилмага қўшилган қудуқлар сони, учинчи сон — қудуқни ўлчаш мумкин бўлган энг катта дебити (т/сутка). Спутник А А.г.ў.q.si нефт ва газни бир қувурли йиғиш системасида, Спутник Б (Спутник Б—40—14—400) эса сувли ва сувсиз нефтни алоҳида йиғиш системасида қўлланилади. Спутник В қурилмасида қудуқлардан келаётган суюқликларнинг миқдори махсус даражаланган идишда ўлчанади.