қурама

от 1. Ҳар хил тус, кўринишда бўлган; турли хил, ҳар хил турдаги.

[Полвон] Махоркани бежаб ўраб, сал эшитиларли товуш билан қурама ашулаларни ғинғиллай бошлади. — Ойбек, Қуёш қораймас

Шаҳар аҳолиси қурама. Унда ҳар хил миллатларга мансуб кишилар — каннаралар, ҳиндлар, малайялар, тамиллар яшайди. — З. Акрамов, Ҳиндистон лавҳалари

Баширжон газетани очиб, парварда, шоколад, шўрданак ва қорамайиз аралаштирилган қурама ширинликлардан битта парвардани олиб, оғзига солди. — Н. Аминов, Қаҳқаҳа

2. айн. Қуроқ И 2.

Қурама тўшакда чўзилиб ётганича, жажжи қўлчаларини унга чўзарди. — Н. Норқобилов, Бекатдаги оқ уйча

У қурама кийимдаги кишига норози кўзи билан қарарди. — В. Ғофуров, Вафодор

от Ўзбек халқи таркибига кирган этник гуруҳлардан бири: Ўзбекистоннинг Чирчиқ ва Оҳангарон водийларида яшовчи ўзбек элати; шу элатга мансуб шахс ёки нарса.

Қурама аёли. Ўзбек тилининг қурама шеваси.

qurama