qunduz
қундузqunduz
ot 1. Suvsarsimonlar oilasiga mansub, qimmatbaho moʻynali sutemizuvchilar turkumi.
Bu bexatar maskanda Buxoro bugʻusi, qunduz, qirgʻovul kabi hayvonlarni koʻpaytirish koʻzda tutilgan. — Fan va turmush
Havoda oʻynaydi yulduz, Daryoda oʻynaydi qunduz. — Malikayi ayyor
2. s. t. Yoqaga yoki telpak jiyagiga tutilgan oʻsiq yungli har qanday moʻyna.
Qunduzi qalin boʻrk.
Laylak qor urib turar edi. Munisxon yoqasining qunduzi bilan boʻynini oʻrab zinaning oxirgi pillapoyasida toʻxtab qoldi. — A. Qahhor, Sarob
3. Qunduz (xotin-qizlar ismi).
- Qunduz qosh yoki qoshi qunduz Chiroyli, oʻsiq qora qosh. Shahlo koʻzlar, oʻsiq jingalak kipriklar, qunduz qosh va qora xollar va boshqa latofatlar oʻziga pisand boʻlmadilar. — A. Qodiriy, Oʻtgan kunlar