quloqchoʻzma
қулоқчўзмаquloqchoʻzma
ot 1. etn. Bola tugʻilgandan keyin bir hafta oʻtgach beriladigan ziyofat va bu ziyofat vaqtida koʻzi yorigan xotin tishlab turgan ikkita nonni olib qochish (nonni birinchi boʻlib uzib olgan bola qochadi, boshqalari uni quvlaydi, qochgan bola ushlansa, quloqchoʻzma, deb uning qulogʻini choʻzadilar).
2. etn. Bekinmachoqqa oʻxshash bolalar oʻyini (bu oʻyinda bir bola marra poylaydi, qolganlari unga tutqizmasdan marraga yetib kelishga harakat qiladi, poyloqchi qaysi bolani quvib yetib, ushlab olsa, marragacha uning qulogʻidan choʻzib keladi).
Bolalar toʻda-toʻda boʻlib, oshiq quloqchoʻzma oʻynashadi. — T. Murod, Ot kishnagan oqshom
3. Urishib, bir-biri bilan soʻzlashmay yurgan bolalarni quloqlaridan choʻzib, bir-birining nomini ayttirib yarashtirish.
4. Yomon ish qilgan bolaning qulogʻini choʻzib tanbeh berish.
Qaynona qoʻlidan yogʻliq choʻzma yegandan, Ona qoʻlidan quloqchoʻzma yegan yaxshi. — Maqol
- Quloqchoʻzma qilmoq Qulogʻidan choʻzmoq, tanbeh bermoq, jazolamoq yoki yarashtirmoq. [Alimov:] Oʻrinbosar boʻlgandan keyin baʼzan qoʻni-qoʻshni, er-u xotin oʻrtasida boʻladigan janjallarga aralashib, quloqchoʻzma qilmasak ham, har qalay, ikki tarafning oʻrtasiga tushgan sovuqchilikni koʻtarib, ularni yarashtirib qoʻyamiz. — Mushtum
quloqchoʻzma
n quloqchozmafried thinly rolled dough