қудуқ

от 1. Сув олиш мақсадида вертикал тарзда қазилган тор ва теран чуқурлик; гидротехника иншооти.

Қудуқдан сув тортмоқ. Сув ичадиган қудуғингга тупурма. — Мақол

Пақирни олиб қудуқдан сув келтириб, айвонга, дўкон ичига қалин қилиб сепади. — С. Сиёев, Аваз

2. Ер остидан газ, нефт олиш ёки ер-тупроқни текшириш учун пармалаш ма-шиналари воситасида қазилган жуда чуқур тор ўра; скважина.

Бурғиланган қудуқ. Газ қудуғи. Иссиқ минерал сув қудуғи. Нефт қудуғи.

Олиб чиқди тоғнинг бошига, Санолмадим нефт минорасин. Кўрдим қудуқ пармалаётган Йигитларнинг полвон — сарасин. — Ё. Мирзо

3. махс. Ўрача шаклидаги детал.

Карбюраторнинг компенсация қудуғи.