qubba

ot 1. arxit. Yarimshar shaklidagi gumbaz.

Mezanalarning qubbalari. Butxonaning qubbalari.

Tunuka tomli uylar, yogʻoch panjaralar, gilos, olma va shaftoli; qavat-qavat imoratlar, baland qad koʻtargan minora va qubbalar uning koʻz oldidan birma-bir oʻtaverdi. — P. Tursun, Oʻqituvchi

Salqin tushdi. Minoralarning qubbalarida oʻynardi quyosh. — E. Rahim

2. Umuman, yarimshar (qubba)ga oʻxshatib ishlangan, shunday shaklga keltirilgan narsa.

Karavot qubbalari chiroqday yonadi. — Shuhrat, Shinelli yillar

Bir shisha konyak va chiroyli vazaga qubba shaklida terilgan apelsin keldi. — Oybek, Tanlangan asarlar

Ayolning saqichday qora sochi ikki qubba qilib boshiga turmalgan. — A. Muxtor, Qanoti singan orzu

Agar bir gap chiqsa, shu choʻqqiga toshdan qubba qilib, belbogʻimni bayroq qilib tikaman. — P. Tursun, Oʻqituvchi

3. bol. Toʻrtta yongʻoqni piramida shaklida tikib, uzoqsan soqqa bilan urib yiqitish oʻyini.

Qubba oʻynamoq.