қўшалоқ

сфт. 1. Иккита бир-бирига ёпишган, бир-бирига ёпишиб ўсган, ёпишиб туғилган ва шу кабилар

Қўшалоқ олма. Қўшалоқ сомса. Қўшалоқ бошли бузоқ. Марғилоннинг қўшалоқ кулчаси.

— Сизларга атаб олиб келдим, қизларим, — деди кампир ва бир жуфт қўшалоқ анорни рўмолидан олиб, Адолатга узатди, — буниси сенга, қизим. — И. Раҳим, Чин муҳаббат

Самоварчи қўшалоқ бармоқли панжасини чўзиб, бир кўчани кўрсатди. — Ойбек, Танланган асарлар

2. Бир вақтда содир бўлган, юз берган, бирга келган, қўш.

Қўшалоқ байрам.

Бола-чақа, набиралар, дўст-у биродарлар билан қўшалоқ тўй кунини ўтказиш вақтини келишиб олдик. — Т. Унабоев, Кумуш тўй